朝早阿史就講到今年係青海玉樹地震嘅第十年,每逢發生大災害,總會睇到唔少人性嘅光輝、英雄嘅故事,而當年愛心義工黃福榮嘅故事感動咗唔少香港人。

黃福榮先生係本身係一位貨車司機,早喺2002年就從事唔少義工工作,例如喺香港徒步到北京為中華骨髓庫籌款,亦都喺中國唔少地方做慈善嘅工作,仲拎過「最具勇敢精神的愛心大使獎」。

而喺2010年4月青海玉樹地環期間,佢就喺當地做義工,喺第一次地環之後,佢我知有6位學生同埋老師被困危樓入面,佢決定兩度衝返現場救人。黃福榮先生第一次成功救到2個人,只係第二次嘅時候遇上餘震,樓房完全崩塌。喺果一刻,黃福榮並無諗到自己,反而盡力推走屋內嘅3個孤兒。最後,3個孤兒同埋老師都冇事,而黃福榮就真正捨已救人,終年45歲。。

黃福榮就曾經講過「我願意為公益事業付出我的一生,包括我的生命!」,或者呢句說話佢就用咗一生去證明。喺2010年,港府亦都為佢追授金英勇勳章。

原圖嚟自網絡