發表於 2020-04-16 08:00
早幾日講到「定過抬油」真係同抬油呢件事有關,而同樣關事嘅俗語又點止一個,連「紮炮」呢個詞都真係同炮仗有關!
「紮炮」喺今時今日就唔係一個太吉利嘅詞,事關呢個詞係解做荷包空空如也,無錢開飯。咁到底點解會同炮仗扯上關係呢?原來香港同澳門早年都有唔少炮仗廠,而要整炮仗最初係要先用紙捲成一個空殼,然後再將一個個空殼紮成六角形,成個工序就叫做「紮炮」。由於喺放入火藥之前,「紮炮」果陣炮仗入面真係乜都冇,所以後來就被理解做捱緊窮。
原圖嚟自網絡
評論:
共0 條評論
史檔
評論:
共0 條評論