外商去澳門避冬？

今時今日，澳門係國際級旅遊娛樂城市，因為賭業興旺，更有「東方蒙地卡羅」之稱。依家澳門就有唔少酒店同度假村俾人去嘆世界，但唔知史友們有無聽過，昔日來華經商嘅洋人，要响澳門「避冬」。

其實阿史講嘅「避冬」，並唔係因為氣候關係而令佢哋留响澳門，而係昔日清政府對來華外商嘅一項特別政策。十八世紀個陣，唔少嚟自英國、法國、美國等地嘅外國商人都走嚟遠東，想同中國做貿易生意。不過咁，當時清廷嘅外貿管制非常嚴格。好似响乾隆年間，清朝只係開放廣州作為對外貿易港，而按當時規定外商要响每年4至9月嘅貿易季以外時間返回自己國家，另一個選擇就係去澳門暫住，等到貿易季節重開先再到廣州，因此去澳門「避冬」就稱之為「住冬」喇！

嘩！管得咁嚴咁多限制，唔怪之得當時外國希望清政府開放更多港口俾佢哋做生意。