早兩日阿史就介紹到位於灣仔、全港唯一一座被列為法定古蹟嘅郵政建築—舊灣仔郵局。咁就有史友提到，香港有另一座同樣好有味道嘅郵局，阿史就諗起赤柱郵政局喇！

赤柱郵政局係香港現存最古老並且運作嘅郵局，建於1937年嘅郵局其實經歷過多次嘅翻新，同原本嘅建築已經有啲唔同，但就喺2007年8月經歷過大型嘅修繕工程，令佢回復相片中嘅原貌。

呢座只有300呎嘅單層建築，係香港第十二間建成嘅郵政居，而且當時赤柱主要嘅人口都係軍人同埋漁民，真係幾有漁村氣息。講返座建築物，雖然面積唔大，但仲保留住第一批人手自助郵票售賣機、極為少數刻有GR徽章嘅紅郵箱，金字塔式嘅屋頂再加上手寫嘅「赤柱郵政局」，呢啲都係唔少郵政發燒友嘅心頭好！

原圖嚟自網絡