話說阿史呢排都講唔少街道、古蹟故事,有史友都幾有興趣,仲叫阿史介紹下原來就嚟清拆嘅衙前圍,咁就當然冇問題啦!

衙前圍村,位於九龍黃大仙區東光道,係二十世紀之後喺市區唯一仲存在嘅原居民村落。呢條村落又叫做慶有餘村,象徵住「滿溢嘅繁榮及興旺」。雖然係叫做衙前圍,但呢度所講嘅「圍」同新界有圍牆嘅圍村唔同,衙前圍村嘅「圍」只係由村屋外牆相連而成。

呢條估計有400年歷史嘅古村,先祖係自南宋之後先遷入,主要以陳、吳、李三個姓氏嘅人為主,最初嘅時候只係叫「衙前村」。後來受到海禁令嘅影響,海盜滋擾,令到村莊加建圍牆,先至有「衙前圍村」嘅稱呼。

衙前圍村有住歷史悠久嘅建築,但多年嚟都傳出唔少清拆計劃。2013年市抒居就下達收樓令,要求所有村民5月22日限期前離開物業;而去到2016年1月25日,最後兩戶居民已經遷出。本來呢座古村已經要開始進行重建,但就喺發古發掘嘅過程入面,發現唔少地底遺存,就好似圍斗、圍牆、護城河等建築,而且保存程度仲幾完整,估計係明清年間嘅建築。呢啲發現都有機會改寫到衙前圍嘅歷史,所以現階段相關部門都未有保育定案。

原圖嚟自網絡