九龍城寨呢個地方,阿史都介紹咗好多次,今次阿史想講嘅就唔係城寨點樣三不管,而係一宗由城寨而引發嘅外交風波事件。

呢件事就發生响1947年至1948年,時任寶安縣長林子俠就响向外交部駐兩廣特派員郭德華建議恢復九龍城設治,仲要求响九龍城寨設「中華民國駐香港總領事館」,但遭到當時港英政府拒絕。1947年年底,港英政府派人入城寨整頓,响寶安縣政府支持嘅「寶安縣九龍城居民福利會」就成功抵抗港府入城整頓。到咗1948年1月,港府就派大批軍警進到九龍城,強拆當地70幾間民房,仲拘捕兩名居民代表。呢件事慢慢亦成為咗兩國嘅外交風波,呢件事更引起廣州市民發起反英示威,沙面嘅英國駐廣州總領事館仲因為咁而焚毀,搞到英國政府下令撤僑。英國見中方態度強硬,於是下令港英政府停止拆遷,而港英政府整頓城寨一事亦不了了之。

原圖嚟自網絡