話說呢幾日大家都討論緊鴉片戰爭，呢段晚清嘅歷史其實仲有好多故事可以同史友們介紹，其中一樣就係道光禁鴉片。

道光禁鴉片委派欽差大臣林則徐銷毀鴉片就聽得多，咁道光本人食鴉片唔知大家又聽過未呢？喺道光仲係親王嘅時候，每當身體疲憊果陣都會鍾意拎枝煙槍出嚟食返幾啖鴉片，當堂就會覺得精神。而當佢成為皇帝果陣，食鴉片呢個習慣仍然持續，其實唔單止道光本人，成個皇室上至孝和睿太后、滿朝文武、甚至平民百姓都開始食鴉片。

見到咁嘅情況，道光當然心知不妙，亦都召過官員商討過禁煙一事。當年就有一位叫做許乃濟嘅官員講過一句，鴉片係戒唔到，於是道光就諗，既然戒唔到，不如就由清廷自己種，既可以增加財政收入，自己又有得食。

後來道光都係決定要戒鴉片同禁鴉片，全因為一件事。當時清朝就發生過一場農民起義，朝廷就派咗兩廣總督李鴻賓派兵平亂，但點知當日就因為落雨搞到煙槍點唔着，堂堂一支軍隊就被農民打到落花流水。再加上後來林則徐嘅奏摺，令到道光決定戒鴉片同禁鴉片。

原圖嚟自網絡