有返咁上下年紀嘅史友相信對拉登呢個名唔會感到陌生,事關呢位全球性嘅恐怖組織,阿爾蓋達嘅首領係近代一位惡名昭彰嘅罪犯。而喺2011年嘅5月2號,拉登就喺巴基斯坦被美軍擊斃。

拉登當年係美國聯邦調查局十大通輯犯之一,被指係1998年美國大使館爆炸案嘅主謀,除咗咁,佢喺2004年之後仲承認同911恐怖攻擊有關。美國就曾經出到5000萬美金去通緝佢,喺當年嘅今日,美國總統歐巴馬親自授權中情局同埋特種部隊喺巴基斯坦阿伯塔巴德比拉爾市鎮作出代號係「海神之矛」嘅聯合行動,將建築物內嘅拉登擊斃。

而喺拉登死後嘅24個鐘,美方就好快確認佢身份仲送到阿拉伯海度海葬。但呢次行動就引嚟唔少爭議,例如美方唔跟從傳統阿拉伯土葬嘅習俗,同埋擊斃拉登呢個舉動亦都被認為有道德方面嘅問題。

原圖嚟自網絡