提到灣仔嘅石水渠街,除咗有法定古蹟玉虛宮可以講,其實仲有幾座重要嘅歷史建築,曾經拎過「聯合國教科文組織亞太區文化遺產保護獎」嘅藍屋建築群。但今次阿史並唔係想介紹藍屋,而係想講佢嘅原址建築物,華陀醫院。

藍屋原址講起真係有段故,喺藍屋建成之前,同樣嘅位址係一間叫中醫為主嘅「華佗醫院」,又叫做「灣仔街坊醫院」,原理上係香港第一間中醫院。呢間醫院比起後上環成立嘅東華醫院仲要早三年成立,而醫院入面又真係供奉住一尊華佗像。

「華佗醫院」喺1886年就結束營運,轉做供奉「神醫華陀」嘅廟宇,一直到1920年建築物拆卸為止。依家72號嘅地下後來都係用作「華佗廟」,去到1950年代呢個位置就被黃飛鴻徒弟林世榮嘅姪兒,林祖所開嘅武館取代,轉輾之下都係做返醫館。

原圖嚟自網絡