屯門公路第一期通車

1978年5月5日，連接當時新界西面同埋九龍市區嘅屯門公路第一期正式通車，經歷5年時間，最終喺1983年5月17日完成所有工程。

講返當初點解會起呢條公路，原來係同屯門1973年被發展成新市鎮有關。早期嘅屯門對外嘅交通並唔方使，就只係得一條青山公路，於是當時港府就諗到沿住海岸線起一條三線雙程嘅、連接屯門同埋荃灣嘅公路。港府喺1974年6月10日就耗資2億2千多萬，喺同年10月動工。

直到1978年5月5日，屯門公路第一期通車，最初呢條公路仕長17公里，後來經過第二期工程同埋2015年完工嘅改善工程，令到總長度增加到19.3公里，係全港第三長嘅一條公路。