繼續嚟返新市鎮嘅專題，上次阿史就同史友們介紹完屯門新市鎮，而今次就當然係講埋位於元朗區嘅第三代香港新市鎮—天水圍。

被稱為「悲情城市」嘅天水圍，早喺上世紀90年代就已經開始發展。喺未有任何工程展開之前，其實天水圍嘅原址好多地方都係紅樹林同埋池塘，只係陸續喺90年代為咗提供住屋用地而分階段填平池塘。

今日常住人口有成30萬嘅天水圍，最初係諗住南部同北部都各自有一個公園，然後區內嘅住宅都係圍住公圍而起，希望通過咁樣帶來一個低密度而又有康樂設施嘅地方。而依家嘅天水圍就以一條天華路做分界，最早發展嘅南部1992年就開始有公共屋邨、居屋同埋私人屋苑。

同唔少新市鎮一樣，配套嘅設施都係跟唔上發展嘅速度，相關嘅康樂設施好似公園、鐵路、公路等等要去到2000年左右先完成。至於天水圍嘅北部，就直頭去到1994年先開始規劃，去到2010年先逐部完成建設工程。

原圖嚟自網絡