喺2003年3月主動要求進入深切治療部救治危殆病人，工作期間不幸受到感染嘅屯門醫院醫生謝婉雯，喺十七年前嘅今日病逝，終年35歲。謝婉雯呢份無私救人精神感動全港，更被稱為「香港女兒」。

謝婉雯1986年中大醫學院嘅入學手冊入面，就被發現寫上「加入醫生的行列，為社會和人民服務，更發揮自己所長」嘅志願。而喺沙士爆發期間，身為屯門醫院胸肺科主任醫生嘅佢，主動要求進入深切治療部為病人插喉，就係咁樣被飛沫感染。事後佢被追封金英勇勳章，仲被安葬喺和合石墳場浩園入面，佢嘅父母表示「希望謝婉雯的勇氣和犧牲精神，能夠鼓勵港人永不放棄，並多謝各界對婉雯的關心。」

原圖嚟自網絡