喺二十世紀初，日本同俄羅斯帝國就發生過一場爭奪朝鮮半島同埋滿洲地區嘅戰爭，呢場戰爭被稱為日俄戰爭，但戰爭所發生嘅地點既唔係喺日本，又唔係喺俄羅斯，而係喺中國東北嘅遼東半島同埋朝鮮半島一帶海域。

日俄戰爭發生喺1904年2月8日至1905年9月5日，雙方都進行咗大規模動員，亦都應用咗唔少創新嘅科技，所以呢次戰爭亦被認為係第一次世界大戰前嘅預演。呢次戰爭發生嘅原因主要係因為雙方都想爭奪喺中國東北嘅權益。1896年清政府就曾經同俄國政府簽訂《中俄密約》，允許俄國喺東北修建東清鐵路，之後亦都租借咗遼東。至於日本，喺八國聯軍一役之後，對分配勢力範圍方面好有意見，亦都因為《馬關條約》喺東北嘅權益，令到日本同英國同盟，喺東北問題上針對俄羅斯。

經過多次交涉無效之後，1904年2月28日，日本背住清廷向俄國宣戰，而西方列強為咗唔影響佢哋喺中國嘅利益，就要求清廷「中立」，而且仲要將戰事限制喺東北境內。直到1905年5月27日，日本喺對馬海戰中大敗俄國，日俄雙方簽訂了《朴茨茅斯條約》，就咁結束咗日俄戰爭。亦都因為呢次戰爭，日本成為第一個亞洲國家喺主要戰事上打敗歐洲國家，令到日本國內軍國主義嘅情緒同力量不斷上升。

原圖嚟自網絡