喺九龍十三鄉入面，茶果嶺係其中一條以打石而聞名嘅，除咗村內有好多砥史建築可以同史友們介紹，就連個地名都有段故。

喺清末嘅時候，其實茶果嶺已經相當發達，仲已經係觀塘區嘅中心。至於點解叫做茶果嶺，據講係因為當時山上有唔叫用嚟整茶果必需用到嘅血桐，因為整茶果需要用到呢種植物嘅樹葉，於是村民就叫呢種樹做茶果樹，有茶果樹生長嘅山就叫做茶果嶺。

其實唔單止個中文名有段故，連英文嘅翻譯都可以反映到茶果嶺早年歷史。喺1922年嘅英國軍部地圖，有一座高度為497英尺嘅山，就叫做Rocky Hill，亦即係茶果嶺。當時茶果嶺同牛頭角、茜草灣及鯉魚門合稱九龍四山，都係人手開採嘅礦場，只係現時茶果嶺已經冇497英尺喇。

去到上世紀50年代，茶果嶺除咗有亞細亞火油公司油庫、石礦場，亦都因為官塘進行大規模填海而踏入工業化。時至今日，唔少工業化設施已經唔喺度，區內仍有舊唐樓，亦有大型私人住宅屋苑。

原圖嚟自網絡