提到上世紀日本嘅軍國主義,當中有一位好重要人物需要介紹,佢就係當年日本嘅陸軍大將、大政翼贊會總裁—東條英機。佢唔單止係當時軍國主義嘅重要人物,佢仲被認定係二戰入面嘅甲級戰犯。

東條英機出生喺1884年嘅日本東京,係一位陸軍中將嘅仔,幼年就入讀陸軍學校,並且喺1905年由陸軍士官學校畢業,成為步兵少尉,當時正伙日俄戰爭嘅尾聲。其後嘅幾年,佢就入讀陸軍大學校,由陸軍步兵大尉去到1933年3月晉升為陸軍步兵少將以及陸軍省軍事調查部部長。

去到1930年代到1940年代,東條英機已經係主戰嘅軍閥之一,當時更加係作為軍事大臣,代表日本同德國元首希特勒、義大利首相墨索里尼同盟成為軸心國,係日本軍隊最高嘅指揮軍官。佢除咗藉關東軍清除異己,亦都自作主張組建關東軍東條兵團,發動1937年佔領南口、張家口及大同、包頭嘅戰事,以及1940年建立731部隊。

喺1941年,東條英機就下令日本艦隊攻擊珍珠港,令到太平洋戰爭爆發。直到菲律賓海海戰失敗、日本投降之後,東條英機嘗試自殺但就被救返,被捕入獄開始對佢戰爭罪行審訊。1948年11月12日,東條英機被同盟國東京軍事法庭以甲級戰犯嘅罪名,判處絞首死刑。

原圖嚟自網絡