過往幾日阿史就同史友們介紹過唔少關於日本軍國主義嘅戰爭罪行，繼介紹咗「日俄戰爭」同埋日本一戰進軍山東之後，今次就想講下呢場被現代史學家認為係日本侵華序幕嘅九一八事變。

九一八事變，又被稱為瀋陽事變，係指1931年9月18日發生嘅中國東北嘅一場入侵。當時日本關東軍就派遣軍人到瀋陽北面柳條湖南滿鐵路段放置小型炸藥，並且一段炸毀由日方修築嘅南滿鐵路，同場亦都將三個身穿奉軍軍服嘅中國人屍體放喺現場然後話係中國軍隊所為，乘機想入侵瀋陽，呢件亦係史稱嘅「柳條湖事件」。

得知日軍多次挑釁之後，駐瀋陽東北軍多次當時喺北平嘅張學良，但當時張學良就下令「無論日人如何受尋事，須萬分容忍，不與抵抗，以免事態擴大。」，並且對當時日軍採取「釁不自我開，作有限度的退讓」嘅策略。相關嘅情況亦都報告到蔣介石果度，同時都係下令避免衝突。

由於東北軍無辦法有效咁阻止日軍入侵，喺之後嘅三個月內，日本關東軍侵佔東北三省全境，仲喺1932年3月1日建立傀儡政權滿洲國。九一八事變之後，日本軍部嘅地位同埋國內軍國主義嘅情緒高派，而國際社會亦都對呢種侵略行為採取綏靖政策，變相鼓勵極權主義國家入侵。

原圖嚟自網絡