介紹完九一八事變之後,就當然要講埋1937年嘅盧溝橋事變,呢場戰爭嘅爆發亦都係意味住抗日戰爭嘅全面爆發。

盧溝橋事變發生喺1937年7月7日嘅河北省宛平縣蘆溝橋,所以又叫做七七事變。喺當年嘅7月7 日晚,日軍就喺蘆溝橋附近進行演習,點知冇幾耐就有駐豐台嘅日軍聲稱演習途中有一個叫志村菊次郎嘅士兵「失蹤」,話要入宛平城搜查。當時宛平城守軍就拒絕呢個要求,結果就隨即受到攻擊,駐軍第二十九軍奮起抵抗,去到清晨5時仲受到炮轟。

盧溝橋事變就演變成平津抗戰,第二十九軍亦都喺呢場戰爭入面戰敗,平津地區包括北平、天津就被日本佔領,抗日戰爭亦都全面爆發。盧溝橋事變除咗令到日軍侵華嘅決心加大,同時亦都令到中國抗日嘅決心增強,於是就被認為係第二次中日戰爭爆發嘅事件。

原圖嚟自網絡