喺九一八事變發生之前，其實喺中國同朝鮮之間，發生過一場名為萬寶山事件嘅衝突。

所謂嘅萬寶山事件，發生喺1931年4月。當時就有一位中國農民郝永德租到長春縣鄉三區萬寶山嘅生熟荒地500晌，當中就有一間長農稻田公司冇經過政府就拎咗12戶農民土地轉租畀188個朝鮮人耕種水稻。而呢班朝鮮人就由馬家哨口至姜家窩堡一路開掘長達20里嘅水渠。呢個舉動令到當地53戶農民嘅土地大受影響，於是就告上吉林省政府，並指令朝鮮人撤走。

本來朝鮮人都打算遵從規定，點知日本駐長春領事田代重德派遣日本警察到現場話「保護朝鮮人」，仲要限令於7月5日前完成築渠。去到7月1日就引起衝突，中國農民400餘人聯合起來平溝拆壩，但點知就受到日本警察鎮壓。與此同事，日本捏造新聞、大造輿論，話有大批中國農民屠殺朝鮮人等。結果喺朝鮮半島就引起大規模排華活動，唔少華僑商店、菜園都被搗毀，仲有唔少華人被殺。

據估計朝鮮華僑共計被殺142人，傷546人，失蹤91人，而當時捏造假新聞嘅記者金利三亦喺《吉長日報》上發表「謝罪聲明書」，指出係受日本領事館愚弄，冇幾耐金利三亦都被滅口。

原圖嚟自網絡