呢排都同大家介紹九龍十三鄉,咁今次阿史就直頭帶大家入去呢啲鄉村入面睇一睇,第一站就係茶果嶺嘅天后宮。

現時為三級歷史建築嘅茶果嶺天后宮,同時亦都係香港現存最大石砌廟宇,據講最初嘅時候並唔係位於現址,而係清朝道光年間由官府所建,由當時觀塘居民合資,喺觀塘灣灣畔,1891年就曾經重建,但就喺1911年被被颱風吹毀過。點知去到1941年,就因為興建亞細亞油庫,令到呢座天后廟需要重建,但成座廟宇就係用返原來嘅材料建成,都算係一個特色。

呢座天后廟為兩進三間式,由花崗岩同麻石砌成,完全反映嘅當時茶果嶺石料係幾充足。唔單止係石砌呢個特色,屋脊仲有以雙龍戲珠為題嘅脊飾,兩邊亦有「左青龍、右白虎」彩塑牆壁,同埋都係精緻,史友們入到茶果嶺不妨可以去睇一睇。

原圖嚟自網絡