如果史友們對中式建築有啲認識,可能都會見過呢種馱碑嘅贔屭,特別係啲大型建築度會比較常見,今次阿史就同大家介紹下馱碑嘅贔屭。

贔屭,又叫做霸下、龜趺,相傳係龍生九子之一,力大可馱負三山五嶽,屬靈禽祥獸,佢嘅原形據講可能係斑鱉。咁到底點解呢隻靈禽祥獸會應用喺中式建築上面呢?

傳說喺上古時代贔屭係背負住三山五嶽,但佢每次移動都會興風作浪。於是,大禹治水果陣就收服咗佢,指揮佢幫手疏遍河道。後來治水完畢之後,大禹又擔心贔屭會再次興風作浪,所以就搵嚟一塊巨大石碑畀佢背負住,令到贔屭唔會四處咁行山,後來類似嘅裝飾就出現咗喺一啲古蹟聖地。

講開又講,其實喺北京城牆就曾經喺東便門同西便門發現過半個贔屭,後來民間就流傳住「贔屭馱著北京城」嘅講法。

原圖嚟自網絡