第一條中國自行修建運營的鐵路—唐胥鐵路

講起近代中國嘅鐵路，除咗有阿史之前介紹過第一條商辦鐵路潮汕鐵路之外，唐胥鐵路同樣都係需要同大家介紹下。

唐胥鐵路，即係唐山-胥各莊鐵路，又被認為係開平煤礦鐵路，因為呢條全長九公里嘅鐵路係連接開平煤礦同埋胥各莊，係中國近代史上第一條由中國自行修建嘅、運營嘅鐵路。提出興建呢條鐵路係喺1876年，喺1881年5月就開始動工，短短6個月就已經通車。雖然鐵路嘅長度只有九公里，但就被認為係中國鐵路嘅建設起點。

當年為咗解決輪船招商局同埋北洋水師對煤炭嘅需求，李鴻章就任命唐廷樞一行人嚟到灤州開平鎮勘察。最初唐廷樞係打算修建從開平南至澗河口嘅鐵路，但後來就因為途經旗人駐地同埋所費不貲而打消咗呢個念頭。但後來因為要保證運煤通道能及時打通，唐廷樞就諗到開挖修建一條從胥各莊到唐山煤井，李鴻章亦都喺1881年4月第一次提出運煤通道嘅提議。