安徽發現李鴻章家族墓

清末嘅歷史，經常都會提到一位好重要嘅人物，佢就係「晚清四大名臣」，被譽為係「內悅昏君，外御列強」嘅李鴻章。

阿史當然唔係冇啦啦提起李鴻章，而係近日喺李鴻章嘅家鄉安徽合肥一個工地度，有施工嘅工人發現入面有一個南北向、以日本進口水泥同埋糯米汁等材料澆築嘅棺墓，表面仲覆蓋着水泥棺蓋，並且以石灰、黏土、細沙混合而成。當地嘅考古學家喺考證完之彼就認定呢個地方係李鴻章家族墓，至於墓主身份係邊個仲需要進一步考證。

李鴻章係晚清洋務運動主要領袖之一，亦都創立第一支西式海軍「北洋水師」，佢嘅成就人所共知，而令人估唔到嘅係，呢次嘅發現亦都可以反映到當時佢嘅家族係幾有經濟實力同埋社會地位，能夠喺晚清時期用到水泥製作棺材，並且可以做到表面光滑平整，係少之又少嘅一件事。