龍躍頭有五圍？

介紹到新界五大氏族嘅時候，阿史就有同大家提到位於粉嶺嘅聯和墟，再再往北邊行就會有一個由粉嶺彭氏一族遷居建立嘅龍躍頭。

龍躍頭，又叫做龍骨頭、龍屈頭，鄰近龍山以及麻笏河，據現存早期嘅資料，呢個地方係由宋代末年從廣東遷居嚟嘅彭氏一文最先建立，但早年彭氏嘅人丁就比較單薄。而去到元末，鄧氏鄧季琇就嚟到龍躍頭定居，彭氏就遷移到粉嶺圍定居，所以就被稱為「粉嶺彭氏」。而定居喺龍躍頭嘅鄧氏，就開始喺附近建立村落，令到呢一帶都成為鄧氏聚居地。由於鄧氏嘅人口真係幾多，全盛時期建立嘅五圍六村，即係老圍、麻笏圍、永寧圍、東閣圍嶺角圍同埋新圍；當中嘅六村就係麻笏村、永寧村、祠堂村、新屋村、小坑村和覲龍村。

由於龍躍頭真係歷史悠久，去到1999年12月4日就被設計成龍躍頭文物徑對外開放，當中就有唔少歷史建築，有機會阿史再同大家介紹下！