前身係廣九鐵路華段嘅—廣深鐵路

阿史之前就同史友們介紹咗唔少中國鐵路史早期嘅鐵路，對史友們嚟講，比較熟悉嘅除咗有京九直通車之外，相信廣深鐵路都會係大家嘅回憶嚟。

廣深鐵路係一條全長147公里嘅四線鐵路幹線，既係普通客運用途，亦都係貨運列車行駛嘅鐵路。而唔講真係未必知，原來呢條鐵路嘅前身係1911年至1949年間嘅廣九鐵路（華段）。早喺1910年起，廣九鐵路就有部分路段開始連接廣州以及九龍，華段就喺1911年通車，當時係行係單線非電氣化嘅火車。鐵路運行之後，去到1940年代就因為線路受到損毀而停止營運，直到149年10月先重新開始通車。

往後嘅幾十年間，暴雨成災、路基多處沖成缺口等問題多次發生，鐵路部門就開始喺1966年至1967年對線路進行了大幅改造，包括抬高路基、加寬路基、修建排水設施等全線大修改造，將前身係廣九鐵路華段全面更新改建成電氣化嘅高速廣深鐵路。