近排阿史喺網上就見到一張幾得意嘅畫作，當中嘅地方係畫作喺1840年描繪嘅土瓜灣海心島。時而世易，呢個當年幾出名嘅旅遊景點就已經消失咗喇！

阿史所講嘅消失當然唔係憑空消失咁誇張，而係講緊因為1964年土瓜灣填海工程而令到呢個小島同陸地連接咗。海心島喺未填海之前位於九龍半島東南，九龍城土瓜灣浙江街，島上昔日都算係一個旅行景點，海心石同埋魚尾石略有名氣，至於島上海心廟嘅龍母壇都會有唔少善信前往參拜，島上同陸地之間都會有唔少小艇接載遊客往返。

而到咗1964年土瓜灣填海工程之後，海心島就被發展成海心公園，龍母壇被移至下鄉道土瓜灣天后廟旁邊，繼續受善信祭祀；至於魚尾石亦被保留落嚟，喺如今嘅海心公園海心亭就有兩個石題「海心亭具西湖韻，魚尾石全此地靈」嚟紀念呢件事。

原圖嚟自網絡