早排阿史就提起一件螺洲嘅人食人慘劇,有史友就諗返起,1944年喺紅磡一帶都有一宗好慘烈嘅事件,據講大火足足燒咗幾日,仲死咗三百幾人。

喺香港淪陷就嚟去到第三年果陣,喺1944年10月16日嘅下午3點,由英美組成嘅盟軍就展開咗一場大轟炸,先派出十架戰機喺九龍半島空投炸彈,令到紅磡一帶爆炸聲不斷。而且,空投嘅炸彈就誤中咗漆咸道防空洞,點燃到防空洞入面嘅燃料,令到空襲之後嘅大火足足燒咗幾日,仲有三百幾人因為呢場空襲死亡,傷者更加不計其數。

而關係呢場空襲,仲流傳咗一個同紅磡觀音廟有關嘅傳言,就係話喺觀音廟其實係有一間小學,當時幾百位師生就有百幾位師生不幸被炸死,觀音廟就安然無恙,當時嘅人都話係觀音顯靈。

關於呢場轟炸嘅目標,歷年都有唔少推測,有講法話盟軍原本只係想炸船塢,但就誤炸紅磡;亦有講法話大轟炸目標其實係防空洞,因為入面有唔少日軍嘅物資好似電油數百桶、錫條千餘,所以先會有燒足幾日嘅大火咁話。

原圖嚟自網絡