野人山 - 中緬交界處嘅原始地區 | 史檔

之前講中印邊界爭議個陣，有史友就留言話想阿史講下中緬交界嘅野人山，又得啫。

野人山又稱枯門嶺，係位於緬甸最北方，係密支那以北一片未被開發嘅原始森林，响呢個森林同山區住嘅就有門巴族人，佢哋係尚處於原始部落時代嘅族群，由於長期唔同現代文明人交往，所以被當地人稱為「野人」。亦因為咁，呢個山區就被稱為野人山。

據記載，野人山一帶早响東漢時期已經係中國疆土，每年呢個地區都要上貢翡翠俾朝廷，到咗明朝起就明確列入咗全國版圖之內。乾隆時期清政府仲派官員親自監管開採翡翠。但後嚟英國控制咗呢個地區，仲劃入咗緬甸版圖，而清中葉開始清政府至民國時期嘅國民政府都無乜反應。