南洋即係邊度？

以前細過果陣，經常都會聽到一句「賣豬仔去南洋」，咁賣豬仔大家都會知係自願或者被詐騙嘅華人苦力，咁「南洋」到底又係邊啲地方呢？今次阿史就同大家介紹下啦！

由字面上嘅意思開始講開，「南洋」就即係南方嘅海洋，喺明清時期嘅中國，喺當時出版嘅地圖都可以留意到一點，就係當時成個地球嚟睇，係以中國嘅版圖為世界中心，其實唔單止有「南洋」，仲有「北洋」、「東洋」同埋「西洋」。講到咁樣唔知又會唔會有史友估到「南洋」喺邊呢？

所謂嘅「南洋」，一般嚟講就係泛指東南亞一帶嘅國家就好似馬來西亞一帶、泰國、印尼同埋菲律賓等等，喺明清年間因為人口同埋戰亂關係，令到唔少華人都會南下去到呢啲國家做生意同定居，甚至建立過政權。當時嘅華人係叫做「下南洋」形容呢件事，而講到華人建立嘅政權，當然就有由祖籍廣東省潮汕鄭信所建立嘅、統一泰國嘅「吞武里王朝」，當中嘅故事下次再同大家介紹。