機場鐵路一部份 東涌綫通車

喺機場核心計劃入面，將香港國際機場、北大嶼山新市鎮以及核心商業區香港島中環連接埋一齊，係呢個計劃極為重要嘅一部分。喺1998年嘅今日，機場鐵路嘅一部分，東涌綫正式通車。

呢條連接大嶼山東涌站同埋中環香港站嘅鐵路全線都有安裝月台幕門，通車嘅時候其實就只有六個站。隨住西鐵2003年通車之後，喺荔景站同埋奧運站之間就新增咗一個南昌站，專門用嚟做東涌線以及西鐵線嘅轉車站；至於2005年啟用嘅欣澳站，就係青衣站同埋東涌站之間，連接住迪士尼線。

現時嘅東涌綫只有兩線行車，原來嘅設計係有四軌，但就因為造價問題而改為雙線設計。工程喺1994年11月達成財務及土地安排協議正式動工，歷史接近四年喺1998年6月22日正式運作。