喺港島上環一帶,有一條本身叫做「乍畏街」嘅蘇杭街,以往就有唔少蘇州、杭州布疋絲綢售賣,唔單止條街有特色,連佢嘅建成嘅故事都有段故。

蘇杭街,位處港島中西區,鄰近皇后大道中同埋德輔道中,呢條街嘅出現同19世紀發生嘅一場大火有關。喺1851年12月28日,上環街市一帶就發生咗一場大火,火災奪去咗30幾人嘅生命,並且令到百幾間房屋燒毀。當時港督就搵咗英國將軍威廉•乍畏嚟負責災後重建。當時呢位英國將軍就利用火災中嘅廢料到填海取地,並且將呢條街命名做「乍畏街」。

雖然早期呢度係叫做「乍畏街」,但由於唔少商店都係售賣蘇州、杭州布疋絲綢,相關嘅店舖有成八十幾間,所以華人都真係直接叫呢度就「蘇杭街」。

原圖嚟自網絡