太上皇可能史友們都聽唔少,而喺中國古代皇家嘅制度入面,仲有一個比太上皇更加高嘅虛位,就係皇帝嘅爺爺—無上皇。

喺中國古代歷史上,第一位嘅無上皇就係北齊後主高緯,佢出生喺公元557年,係南北朝時期北齊嘅第五位皇帝。佢即位嘅時候,其實北齊就已經政局不穩,但當時呢位皇帝仍然荒淫無道,殺害兄長高綽,又誅殺名將高長恭、斛律光,令到當時北齊軍隊已經無力阻止北周入侵。

喺承光元年(公元577年),北周來攻打北齊,占領晉陽,高緯因為北齊軍隊無辦法阻擋到北周嘅進攻,於是就將自己嘅帝位禪讓畀自己8歲個仔高恆,自己就先做太上皇。而無幾耐,高恆就將自己嘅帝位傳咗畀高湝,令到高緯成為中國歷史上第一個無上皇。而當高緯慌忙準備投降走去江南果陣,就被北周俘獲,北齊滅亡。

原圖嚟自網絡