現時全港十八區都有公共屋邨,但其實喺2016年之前,灣仔唯一一個區冇公共屋邨嘅,而灣仔現時唯一一個公共屋邨大坑勵德邨亦都唔係近起嘅,咁到底當中有咩原因呢?

當中嘅原因就真係簡單喇,勵德邨原本唔屬於灣仔區內,但喺2016年嘅時候,政府就將「維園」及「天后」兩個選區都撥入灣仔區內,咁所以從來都冇興建過公屋嘅灣仔區,就有咗第一座亦都係唯一一座公共屋邨。

介紹返勵德邨先,呢個屬於房屋協會發展、第二個自資興建嘅甲類出租屋邨位處大坑道,鄰近虎豹別墅,分成8座,每座有27層,合共有2000幾個單位,係當時租金最高嘅一個屋邨。呢個屋邨最特別嘅地方係,第1至4座外型是以圓柱體設計,第5至8座外型為長方體,令到唔少單位都可以睇到維港嘅景色,同時亦都有唔少經典廣告同電影借呢度取景,就好似2006年可口可樂廣告、2017年嘅攻殼機動隊等,真係諗起返啲畫面。

原圖嚟自網絡