早排同史友們介紹到西環七臺，都有講到西環七臺嘅命名係同唐朝詩人李白有關，同時亦都加入咗李寶龍嘅名，而其實呢塊地最早係由李寶龍嘅爸爸李陞購入，今次就同史友們介紹下呢位香港早期嘅超級富商。

李陞出生喺新會一個富裕人家，本身係一位商人，因為祖父李達聰曾以巨資效力於國及襄辦善舉，在於佢就受封二品頂戴花翎，誥封儒林郎、，誥授通奉大夫等職位，但與此同時佢都係香港十九世紀末嘅華人首富。

既然係華人首富，當然就會有唔少資產，據講佢係香港第一位勞斯萊斯汽車擁有者，亦都有幾條街嘅業權就似李陞街、高陞街、松秀東街及松秀西街。雖然佢係咁富有，但佢都有參與唔少慈善工作，就好似創辦東華醫院及育才書社。

就咁解釋李陞係首富史友們可能都冇乜概念，但如果話李陞單係1881年嘅納稅總額已經係全港第一位，仲係其他華商嘅總和，大家又會唔會感受到當時李陞家族嘅實力呢？而喺李陞過世後，佢嘅後人更加被徵收600萬元遺產稅，足足係1895年政府財政盈餘189萬嘅三倍幾，認真誇張！

原圖嚟自網絡