喺1998年7月6日,隨住香港機場核心計劃入面嘅赤鱲角機場完成,啟德機場就完成咗佢73年嘅歷史任務,最後一班飛離呢個機場嘅客機係嚟前往倫敦希斯洛機場嘅客機,亦都意味住搬遷計劃全速進行。當年民航處處長施高理(Richard Siegel)就以一句「Goodbye Kai Tak, and thank you!(再見啟德,謝謝你!)」作告別。

啟德機場其實有住一段光輝嘅過去,呢個1925年1月25日啟用嘅機場,初時主要係用作英國皇家空軍機場同埋飛行學校,後來先慢慢轉為民航以及貨運為主。啟德機場當年係球最繁忙嘅機場之一,客運量達到全球第三,貨運量更加係全球第一,但就因為周圍有唔少樓房再加上空域狹小而被稱為「全球十大危險機場」之一。

原圖嚟自網絡