香港海域最深之處—螺洲門

關於香港最高嘅地方，相信唔使阿史講大家都會知係大帽山，咁最低嘅地方史友們又知唔知呢？其實就係螺洲門喇！

有睇過阿史介紹，可能大家都會記得螺洲門就係位於螺洲附近，螺洲就係喺日佔時期，400人被放逐到島上，缺水缺糧慘死嘅地方。而喺螺洲同埋蒲台島以北海峽，就係螺洲門所有地。呢個地方位處離島區，喺海平面66米之下，係香港海域入面最深嘅一處。

照理呢個地方好難有啲乜嘢大規劃，但現時就被港府到作「爆炸品傾倒區」，專門用嚟棄置一啲未爆嘅炸彈。早年就有水下考古總會嘅成員考察過呢度，去到60米嘅時候就表示因為水濁及巨大壓力等不利因素，再加上吸入過量氮氣成個感覺好似飲咗酒。