以前讀書個陣，都話係八年抗議，即1937年七七事變至1945年八月日本無條件投降。不過近年就有「十四年抗戰」嘅講法，即由「九一八事變」計起，直至1945年日本無條件投降。咁呢個講法又係根據啲乜嚟定呢？

呢個講法大概係以「九一八事變」開始，中國軍民作出反抗日軍計起。有學者就話，雖然南京政府响「九一八事變」前後下令中國守軍對日軍侵華不予抵抗，但當時東北軍民自1931年起就群起抗敵，好似趙尚志、楊靖宇、李兆麟、趙一曼等就組成東北抗戰聯軍。除咗東北，1932年「一二八」事變、1933年長城抗戰等都係中國軍民抗敵入侵。所以計算抗戰有幾多年，就應該以1931年「九一八事變」嘅開始。

唔知史友們同唔同意呢？

原圖嚟自網絡