軍器廠街以前真係「兵工廠」？

尋日阿史就同史友們講到舊灣仔警署，而隨住新灣仔警署嘅落成，唔少職能早已轉移到灣仔警察總部，亦即係軍器廠街。唔講真係未必知，原來軍器廠街唔係得個名咁簡單，以前呢度真係一個「兵工廠」。

軍器廠街位於灣仔以西同埋金鐘以東嘅交界，係以當時駐港英軍軍營兵工廠命名。呢條街早喺有「四環九約」規劃之前就已經存在，叫得兵工廠就當然唔止得軍營咁簡單。當時嘅軍器廠街，既有陸軍醫院、防空隧道、軍火庫，仲設有炮台守護，屬威靈頓兵房。，真係火力十足。只係後來隨住城市發展嘅因素，炮台拆卸，陸軍醫院及軍火庫都一齊遷移，令到呢個地方就只係得返「軍器廠街」呢個名。

時至今日，軍器廠街就係警察總部所在地，並且仲係一個要嘅交通交匯地。