早期洋商設立嘅「香港會」

呢排都同史友們介紹唔少開趕初期香港嘅歷史同埋著名嘅洋行，早期嘅香港並冇太多嘅娛樂，於是定居喺度嘅洋商都諗盡辦法，「香港會」就係當時佢哋建立嘅一個私人會所，但當中就充滿歧視。

呢個名為「香港會」嘅會所喺1846年創立，係開埠早年由一班洋商建立，專門為香港政、軍、商界精英提供服務同娛樂。要入會就真係唔容易，只可以通過內部推薦，而且會費高昂，只出入都有嚴格嘅服飾要求，並且限制只有英國白人男士先可以入去，今時今日睇真係充滿歧視色彩。

雖然有咁多限制，但第一代「香港會」位於中環雲咸街及皇后大道交界嘅會館好快就不敷應用，去到1890年代就喺皇后像廣場旁臨海地段興建新會館，係一座四層高嘅維多利亞文藝復興混合意大利式嘅建築，入面有齊圖書館、酒窖、冷藏庫、酒吧、高級餐廳等設施，亦都理所當然成為上流社會嘅聚腳點。