唔少人都知道美國同日本响外交關係上相當緊密,更有人笑過日本實際上係美國第51個州(最近華盛頓特區有機會真係成為美國第51個州)。之但係,其實美國响經濟上都曾經視日本為威脅,兩國仲爆發過貿易戰。

响六七十年代,日本經濟開始起飛,成為經濟強國,其中日本科技同電子產品更加追上美國。响上世紀七十年代,日本工業產能開始逐步超過美國,美國與日本間貿易出現咗巨大逆差。就因為咁,唔少美國人就將國內經濟不景同失業問題歸咎於日本企業同日本貨「入侵」美國。最重要係,唔少美國科技企業,都覺得日本企業「偷取」美國科企嘅研究成果。美國响七十年代就對當時呢個世界第二大經濟體作出報復,包括指責日本操縱日元匯率,對日本的電子產品徵收高達100%關稅,六名日立高管還被FBI以涉嫌竊取IBM技術指控下被捕,仲話東芝非法向蘇聯銷售高技術國防產品。

面對美國一波又一波嘅「攻擊」,日本採取妥協政策,多次同美國簽訂貿易協定,包括限制出口,增加美國貨品進口等,又响1985年簽訂廣場協議,誘導美元對主要貨幣匯率有序貶值,以解決美國巨額貿易赤字問題。亦因為咁,日本政府採取寬鬆貨幣政策,最終成為日本泡沫經濟出現嘅原因。

原圖嚟自網絡