三菱地所曾經買入 洛克菲勒集團股權

今朝早就同史友們講到一個曾經嘅日本土地神話，就係「土地不會貶值，房子不會貶值」。喺成個日本泡沫經濟嘅高峰入面，就曾經有個講法指東京23個區土地價值總和係足以買當時美國全國土地，當時就真係有企業嘗試去購買美國嘅重要地段。

喺1989年10月，喺日本泡沫經濟達到頂點嘅一年，三菱集團核心企業之一嘅三菱地所就以當時成千億日元，即係大概8.46億美元買入洛克菲勒中心擁有者洛克菲勒集團嘅51%股權，亦都意味住呢間日本公司拎到洛克菲勒集團嘅控制權，要記住洛克斐勒家族涉足政治、軍事、能源等產業，當時係被認為係世上最強嘅家族之一。至於洛克斐勒中心就係歷史上最浩大嘅一個都市計劃，設計上當時就打算成為紐約第二個市中心，但點知喺第一、第二部分完成之後，就被日本三菱地所先收購51%股權，其後又分批收購所有股權，呢件事係日本當年海外投資嘅經典案例。

去到1996年7月，呢個洛克斐勒中心就因為無法償還貸款，令到最初嘅14棟大樓轉讓，三菱地所就只係持有較新嘅4棟大樓。