美國「星戰計劃」搞挎蘇聯？

阿史之前講唔少美國响八十年代點樣對付日本嘅崛起，其實當年美國仲有好多計劃對付冷戰對手蘇聯，其中一個就係著名嘅星球大戰計劃。

喺1983年3月，當時嘅美國總統列根話為咗確保美國同盟友喺美蘇核戰中唔會輸，制定《戰略防禦倡議》，準備建立一套以定向能武器為主嘅防禦系統，攔截蘇聯射過嚟嘅導彈，咁就唔怕嚟自蘇聯嘅攻擊喇！

呢個計劃有趣之處就係防禦系統係放响外太空，所以計劃被稱為「星球大戰」計劃。蘇聯面對呢個星球大戰計劃，知道以科技勢力根本唔夠，於是當時蘇聯領導人戈爾巴喬夫就同列根舉行歷史性峰會，希望以拆除飛彈，以換取美國放棄星戰計劃。有講法亦話，星戰計劃令蘇聯加大投入太空計劃嘅資源，結果拖挎咗蘇聯經濟，仲搞到90年代初解體。