早排就同史友們講到香港開埠初期嘅公眾墳場，有「紅毛墳場」之稱嘅香港墳場，當時就有同大家講到香港墳場好早嘅時侯就已經選址黃泥涌一帶，原因係因為呢個地方本身係一個沼澤地帶。要知道香港開埠初期有唔少軍人感染熱病身亡，就係下葬喺快活谷(Happy Valley)，咁到底點解會有快活谷(Happy Valley)呢個名呢？

雖然係墳場興建初期，港府同部分市民都有喺黃泥涌進行填土工程同埋興建賽馬跑道，但最初嘅快活谷並唔係指馬場，反而係指墳場。喺西方世界嘅眼中，特別係信奉天主教嘅英國人眼中，佢哋嘅「安息」就等同「極樂」，於是將呢個地方叫做Happy Valley就係想最初下葬喺度嘅軍人可以安息咁解。喺呢個墳場地帶被叫做「快活谷」(Happy Valley)之前，其實賽馬活動都仲未開始，只係後來賽馬活動大受歡迎之後，先至令到快活谷另有所指。

原圖嚟自網絡