八國聯軍之役可以話係中國歷史上極為恥辱嘅事件,清政府無能令國家任人宰割。响1900年8月14日凌晨,八國聯軍發起攻入北京,翌日光緒帝慈禧太后等一眾皇室成員逃離紫禁城,逃往西安,聯軍正式佔據大清帝國首都。

所謂八國聯軍,係由美利堅合眾國、奧匈帝國、大英帝國、法蘭西第三共和國、德意志帝國、日本帝國、意大利王國同俄羅斯帝國等八國聯合組軍。呢場戰役發生,就同清末義和團出現有關。義和團响各省廣納信眾,主張「扶清滅洋」,後嚟得到慈禧太后支持,攻擊在華外國人、領事館同租界,各國決定出兵,而慈禧太后亦向各國宣戰,結果八國就組成聯軍同清軍開戰。面對外國嘅現代化裝備,清軍同義和團自然傷亡慘重,連北京城亦宣告淪陷。

八國聯軍之役清軍慘敗,最終由李鴻章善後,結果清政府响1901年同八國簽訂《辛丑條約》。

原圖嚟自網絡