喺八國聯軍攻陷北京城之前，慈禧太后、光緒帝同埋一班大臣早就已離開咗北京，仲將同列強議和嘅事全權交咗畀李鴻章處理，而呢一次嘅慘敗就令到清廷同八國簽訂咗《辛丑條約》。其實唔單止咁，當時慈禧太后仲以光緒帝之名落過一份詔罪己。

所謂嘅詔罪己就係古時君主專門用嚟自我批評嘅詔書，會喺詔書當中反省自己嘅過失同埋改變國策，歷史上一共就有79位皇帝下過罪己詔。原則上光緒嘅呢道詔罪己係由慈禧太后所下，而內容亦都相當令人唾罵，詔罪己嘅內容大概就係：

「本年夏間，拳匪構亂，開釁友邦。朕奉慈駕西巡，京師雲擾。迭命慶親王奕勖、大學士李鴻章作為全權大臣，便宜行事，與各國使臣止兵議款。昨據奕劻等電呈各國和議十二條大綱，業已照允。仍電飭該權大臣將詳細節目悉心酌核，量中華之物力，結與國之歡心。既有悔禍之機，宜頒自責之詔……今茲議約，不侵我主權，不割我土地。念友邦之見諒，疾愚暴之無知，事後追思，慚憤交集。」

呢段說話入面就有幾個重點，令到當時嘅人民深深明白清政府屈辱媚外，甚至仲怒斥之為投降賣國。詔罪己入面先係表明會「量中華之物力，結與國之歡心」，即係會集全國嘅財力同埋物力，令到八國接受呢次嘅條款；而且條文中嘅「今茲議約，不侵我主權，不割我土地。念友邦之見諒，疾愚暴之無知，事後追思，慚憤交集」仲要多謝返八國原諒佢嘅無知同愚蠢、唔割佔清廷嘅土地等等……今時今日睇返都真係會眼火爆。

原圖嚟自網絡