之前講到八國聯軍之役,曾經提及過慈禧太后帶埋光緒一眾人逃難去西安。可能史友們認為慈禧落難應該過得好苦,但其實佢哋走佬個陣,依然富貴。

當時慈禧一眾去到西安,先住响陝甘總督部院衙門,又稱為南院。但後嚟嫌唔好住於是就住咗响巡撫部院衙門,即北院。其實當時雖然話慈禧佢哋走佬,但始終係皇族,所以佢哋隨行都帶咗唔少金銀珠寶,而佢哋去到西安生活,過住都係奢華嘅生活。據講慈禧太后噢西安八個多月,單單生活費就駛咗白銀十幾萬兩。除咗佢哋,當時仲有一批跟隨皇帝一同逃亡嘅王公大臣,佢哋嚟到反而令西安城內忽然繁榮起嚟。銀號、店鋪應運而生,南北院門一帶盛極一時。有權有錢,就算走佬都豪華過人。

原圖嚟自網絡