喺八國聯軍攻佔北京城之前，京城入面就發生咗一件幾令人驚嘆嘅事，就係珍妃墮井身亡，到底呢場係意外定係人為，仍然仲係一個謎。

呢位出生喺滿洲鑲紅旗嘅女子，成長喺一個歷代為官嘅家庭，喺光緒十五年同同埋姐姐一齊被選入官中，當時就已經被封為珍嬪；去到光緒二十年，佢就因為慈禧太后六旬萬壽加恩而被封為妃，而光緒帝一生就只有一后二妃，所以地位都係相當唔簡單。喺光緒帝嘅一后二妃入面，就數珍妃最為善解人意、聰明機智，所以係深受光緒帝寵愛，據記載兩人係經常翰墨、共食飲、共玩樂，形影不離。

雖然珍妃同光緒帝關係好好，但同慈禧關係就真係好難形容。喺珍妃入宮初期，其實係得到慈禧太后歡心，慈禧甚至會畀珍妃幫手批閱奏章、擘窠大字。但係去到甲午戰爭嘅時候，珍妃就被朝中大臣指佢干政以及覬覦後位，後來仲有關於收賄賣官一事令到慈禧當面質問珍妃，而珍妃嘅反唇相譏同埋令到慈禧同埋佢嘅關係交惡。珍妃喺當時其實係懷孕，明知呢點嘅慈禧太后就專登對珍妃罰以「褫衣廷杖」重刑，令到佢小產並且自此以後都冇再懷孕。

去到1897年，曾經被降為貴人嘅珍妃就因為支持過光緒皇帝維新變法，就再次被「褫衣廷杖」，並且囚禁喺景祺閣北邊。咁珍妃到底又係點樣投井嘅呢？喺1900年嘅8月14日，八國聯軍就攻佔緊北京城，慈禧太后就早已挾持光緒帝慌忙出逃，據清朝古方記載就係指珍妃係投井自殺殉節；據晚清遺老編纂清史稿所指，珍妃自殺殉節就係因為袁世凱；而按官中太監唐冠卿所記載，係由總管崔玉桂將珍妃拋入井中，下令嘅正係慈禧。

至於邊個講法先係真，就真係冇人知喇！珍妃嘅屍骨一直都喺井入面，直到1901年慈禧、光緒回朝先命人打撈出嚟安葬。

原圖嚟自網絡