高禮澤、李靜取得香港隊史上第2面奧運會獎牌

喺2004年8月21日，繼李麗珊1996年首奪奧運金牌之後，香港奧運代表團喺在2004年雅典奧運男子乒乓球雙打項目，由李靜及高禮澤為港隊勇奪銀牌，呢面亦都係香港隊史上第2面奧運會獎牌。

有「乒乓孖寶」之稱嘅李靜同埋高禮澤原籍珠海及佛山，由廣東省隊再去到國家隊都係一齊打併。至於佢哋又點解會成為港隊嘅一員呢？原來係喺當時嘅港隊教練陳江華引薦之下，喺2000年就正式加入港隊。

如果有史友們記得，呢對孖寶嘅打法其實好唔同，李靜就係右撓，打法進取；至於高禮澤就主力左撓，打法沉穩。可能就係因為佢哋兩個打法都唔同，所以先可以互補到不足。呢對組合先喺2003年勇奪亞洲錦標賽男雙金牌打響名堂，繼而去到2004年奧運出戰男雙賽事，先係戰勝韓國隊、塞爾維亞隊同埋俄羅斯，只係去到決賽不敵中國熱門組合馬琳同埋陳玘，拎到亞軍，但都已經係港隊第一次有男子運動員奪得奧運獎牌。高禮澤、李靜喺掛拍之後都繼續為香港乒乓球嘅運動發展出力。