每當提起元朗，唔少人都會講話會買啲老婆餅做手信。的確，元朗大同、恒香同榮華，賣老婆餅賣到出晒名。不過咁，老婆餅本來唔係源自元朗。

其實老婆餅係源自於廣州，作為廣東省城，美食自然多籮籮，而老婆餅就係廣州一間茶樓發明，就係廣州老字號茶樓蓮香樓。由於佢哋嘅老婆餅大受歡迎，之後就有唔少茶樓糕點部仿傚。好喇！咁老婆餅關元朗乜事呢？話說元朗嘅恆香，就引入咗老婆餅招呼茶客（相傳係等位時派嘅小點心），點知啲茶客好鬼鍾意，後嚟就成為招牌貨。之後同區榮華、大同以及一啲餅店都製作老婆餅，就係咁，老婆餅就成為元朗特產之一。

原圖嚟自網絡