清朝第一條不平等條約——「南京條約」

1842年8月29日，係清朝道光二十二年，當年嘅今日大清帝國就因為第一次鴉片戰爭對歐美國家戰敗而簽訂一條和約，呢條就係被稱為「萬年和約」嘅《南京條約》。

喺當年嘅今日，清政府欽差大臣盛京將軍耆英丶兩江總督伊里步以及英國全權代表砵甸乍就為結束鴉片戰爭而去到停泊喺南京下關江面嘅英軍旗艦汗華囇號上簽署《南京條約》。呢條條約嘅起源就係因為1839年3月林則徐到廣州嚴禁鴉片，期間就因為嚴重打擊到英國嘅貿易、造成唔少司法同外嘅嘅衝突，最後英國派出遠征軍喺同年10月嚟到中國，戰爭最後以1842年7月英國同1500位八旗兵展開激烈巷戰而戰敗作結。

經過多次靜海寺談判，清朝就簽訂咗因為戰敗畀歐美國家而立嘅第一條不平等條約，當中既要開放五口通商、賠償二千一百萬銀圓、廢除公行制度、建立進出口關稅，而影響就深遠嘅當然就係要交出香港島啦！