香港開埠初期,其實仲未有本哋嘅專用貨幣,反而係以宣布西班牙本洋、墨西哥鷹洋、印度盧比又或者銀作為貨幣,直到1846年英國嘅東藩滙理銀行先第一次發行港圓紙幣(但當時仲未係合法貨幣)。

咁到底香港幾時先有法定貨幣呢?原來係要去到1862年。早年港府曾經嘗試想將英鎊作為官方貨幣,但由於流通率同埋供應問題,最後都唔成事,只好喺1862年將銀元列為香港法定貨幣,仲喺第二年搵嚟英國皇家造幣廠鑄造一批刻有「香港」字眼嘅硬幣。

以上嘅呢批都仲係英國製嘅貨幣,但原來曾經有幾年香港真係有「香港製」嘅貨幣。就喺1862年2月26日,當時立法局就通過咗《設立造幣廠條例》,用咗成4萬英鎊喺銅鑼灣興建造幣廠。香港造幣廠(Hong Kong Mint)結果喺1866年5月7日開業,仲公開收集銀元用嚟製幣。但點知1866年就撞正金融風暴,令到市民對銀幣冇乜需求,寧願繼續用墨西哥鷹元。

結果,短短兩年時間,香港造幣廠就只係鑄造咗6,404,589枚銀幣,換嚟嘅係34萬財務虧損,無奈之下只好喺1868年4月25日結業。

原圖嚟自網絡